Ulrik Barth
| Ulrik Barth | |||
| Fødd | 28. mai 1778 Hjelmeland kommune | ||
|---|---|---|---|
| Død | 24. desember 1865 (87 år) | ||
| Statsborgar av | Noreg | ||
| Yrke | fut, sorenskrivar, politikar | ||
| Barn | Ulrikka Fredrikke Lehmann Barth | ||
| Alle verv |
| ||
Ulrik Frederik Jonstrup Barth (28. mai 1778–24. desember 1865) var ein norsk embetsmann og stortingsmann.
Barth var fødd i Hjelmeland, far hans var sorenskrivar. Sjølv tok han norsk juridisk eksamen i 1805. Deretter var han fullmektig hos sorenskrivaren i Hardanger, fyrst, og sidan i Lyngdal. 1808-10 var han fungerande sorenskrivar i Lyngdal. 1811 var han prøveprokurator, frå 1813 overrettsprokurator i Akershus og Kristiansand. I 1819 vart han fut i Lister. Han var så i ei årrekke, 1831-55, sorenskrivar i Moss.
I 1824 representerte Barth Lister og Mandals amt på Stortinget. Han var sekretær i Odelstinget, og i komiteen om jordbruk og fedrift. Også medlem av komiteen om adelsrettar.
Barth døydde på Jeløya ved Moss i 1865.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Ulrik Barth NSD Norsk senter for forskningsdatas politikararkiv